部分1（1/2）

2015.10.08 更新

第四章 激战狮子山

拖左大家咁耐，终于有时间出返篇啦

既然上次比较少甜

今次就决定加重口味等大家睇得兴奋d！

2015.7.26 少甜更新

第三章 夏道帐篷少年

本来谂住写短d，但越写越长气

而且甜既部分反而少左，多返d感情戏...

希望你地都锺意呢种风格啦

2015.7.17更新

第二章 荃湾站地铁哥哥

加左第二章啦

故事讲阿恆喺地铁站发生左一d尴尬既事

好彩有个好好心既地铁职员哥哥帮佢 xd

－－－－－－－－－－－－－－－

18种香港

打算係一个写18种唔同既香港仔仔既系列

你亦都可以係话主角阿恆喺18个唔同既地方留种(精)既故事

故事如有雷同，纯属巧合~

第一章 新亚书院可爱室友

第二章 荃湾站地铁哥哥

第三章 夏道帐篷少年

第四章 激战狮子山

－－－－－－－－－－－－－－－－－－－－－－－－－－－

第一章 新亚书院

「唉，早知唔报cu，同佢一齐读kongu啦...」

「算吧啦，就算俾你入到去同佢同一间大学，佢咪又係一样会飞你！人地话晒都係靓女，入到大学花花世界，又富二代又兽父，仲边会得闲理你呢个男朋友仔呀。」

「顶你阿恆，而家係咪仲嫌我唔够灰呀！」james用怨毒既眼神bear左阿恆一下，饮埋佢今晚第六罐黑啤，继续呆呆咁望住着晒灯既吐露港夜景。

天台上坐左两个人。一个係着住白色t shirt牛仔裤，20岁，身型结实，剪左个清爽既短髮既阿恆。隔离既係夜妈妈呃左阿恆上山上面个hall既james。虽然阿恆係个hehe，而james个样又的确唔差，但佢地由细识到大，阿恆对佢已经冇晒感觉。阿恆夜晚10点几仲要特登转程校巴上黎，除左要安慰呢个岩岩俾女飞既傻仔之外，当然暗地里有个目的就係要睇下佢学校有冇其他靓仔啦。

头先一落校巴，james就已经拉左阿恆上佢宿个天台，不停讲佢俾女朋友飞d野。哇，原来呢个天台个夜景又真係几靓，一眼望晒成个港口，定眼睇仲可以见到好多星星添。阿恆就係度一路听佢诉苦，一路欣赏下d星星，一路谂紧几时会係佢楼下个男宿舍见到d唔着衫既仔仔。

当佢饮到第八罐啤酒既时候，james已经饮到红都面晒，自己都唔知自己讲紧乜，醉到成只猪咁。阿恆身为好朋友唯有顶硬上，几经辛苦问到佢间房係边之后，慢慢拖佢落去。

入到房即刻放低佢，由佢死猪咁摊係地下，阿恆先慢慢抬高头望下佢间宿房。第一时间见到既竟然係个眼睛大大，个样大概18/19岁但有少少童颜既男仔。最出奇既係个男仔上身冇着衫，胸部微微涨起，轻轻咁喘紧气。望落d清楚见到佢有六旧小小既腹肌，下身着住一条黑色短身棉裤，双脚踢拖。由于阿恆岩岩搬完james落楼都喘喘地气，间房就得返呀恆同埋呢个半裸既男仔，两个人既呼吸声。

对望左一阵，阿恆首先出声。

「hi，我係james个friend，我叫阿恆...」

「我叫阿浚，係佢个roommate...」个男仔细细声咁讲。

「饮到醉晒啦佢。」阿恆指住地下只猪。呀唔係，係指住地下既james。

阿浚笑左一笑「哦，俾女飞呀嘛佢，成条走廊都知啦。」

阿浚笑既时候有两粒酒窝，仲露出洁白齐整既牙齿，阿恆不自觉睇到呆左，觉得好可爱。阿浚见佢傻左咁望住，都望一望自己，先发觉原来自己冇着衫。佢用手指挠一挠头，怕丑咁话「头先做紧sit up，练到好热咪除衫啰，哈哈。」

唔怪得身材咁好有腹肌啦，阿恆心谂。细心睇又真係见到阿浚微红既皮肤上面有少少汗水，闻下仲可以隐约闻到一阵青春既汗味，唔臭仲有少少吸引。阿恆牛仔裤开始有少少凸起「练得几好睇喎，你成日练？」阿浚点下头「不过想手臂大只d，好似你咁...」阿恆岩岩係天台将一个人抬落黎，原来手臂已经现晒青筋，而且佢平时都有做开运动，所以对阿浚黎讲都几大只。

「你做多d运动或者去做gym咪会再大只d啰。」

「去gym好多叔叔...」不过阿恆好似听唔到。

阿浚既眼睛由阿恆既手臂扫到落下身，见到牛仔裤突出既一包野，块面突然红一红。阿恆见到佢呢个动作，费时吓亲呢个可爱既男仔，于是吞一吞口水「咁你睇住james，我都係时候要走啦。」

正当阿恆想违背自己慾望，狠心咁转身打算开门时，阿浚叫住佢。

「阿恆！」

「係？」

「...咁夜，冇校巴落山架啦喎。」